АНУ-ын крипто бирж дээр арилжаалагддаг хөрөнгө (ETF)-ийн талбарт энэ долоо хоногт идэвхтэй хөдөлгөөн өрнөлөө. АНУ-ын Засгийн газрын хаалтыг үл хамаарч Үнэт цаас болон биржийн хороо (SEC)-нд дор хаяж таван шинэ бүтээгдэхүүний өргөдөл иржээ.
Хамгийн сүүлийн шинэчлэл VanEck-ээс ирсэн бөгөөд тус компани Пүрэв гарагт Үнэт цаас болон биржийн хороо (SEC)-нд S-1 маягт ирүүлж, VanEck Lido Staked Ethereum ETF-ийг бүртгүүлэх хүсэлт гаргасан байна. Энэ ETF нь Lido платформын stETH шингэн стейкинг (liquid staking) токенийн гүйцэтгэлийг дагаж мөрдөх зорилготой ажээ.
Мөн уг баримт бичигт “stETH-тэй холбоотой протоколд суурилсан шингэн стейкингийн (liquid staking) үйл ажиллагааны үр дүнд, тус сан нь stETH эзэмшилдээ тодорхой хэмжээний стейкингийн урамшуулал хүртэхийг хүлээж байна,” гэж дурдсан байна.
VanEck энэхүү бүтээгдэхүүнийг нэвтрүүлэхийн тулд 10-р сарын 2-нд Делавэр мужид статутын итгэлцлийн сан (statutory trust) бүртгүүлж албан ёсны бэлтгэл ажлаа эхлүүлжээ.
stETH нь Ether (ETH) хадгалуулсан хэмжээ болон нэмэгдэх стейкингийн урамшууллыг илэрхийлдэг шингэн стейкинг (liquid staking) токен юм. Энэ нь эзэмшигчдэд ашгийн өгөөж хүртээхийн зэрэгцээ хөрвөх чадвараа хадгалах боломж олгодог байна.
Lido нь бараг 8.5 сая ETH (ойролцоогоор 33 тэрбум ам.долларын үнэлгээтэй) хөрөнгийг стейк хийсэн, дэлхийн хамгийн том шингэн стейкингийн (liquid staking) платформ бөгөөд одоогоор хадгалуулсан ETH-д 3.3%-ийн өгөөж санал болгож байгаа юм.
Хөшүүрэгт Hyperliquid ETF
Энэ хооронд ETF гаргагч компаниуд шинэ Үнэт цаас болон биржийн хорооны (SEC) удирдлагын дор илүү нөлөө бүхий криптонуудыг боловсруулж байгаа боловч 17 дахь өдрөө үргэлжилж буй АНУ-ын Засгийн газрын түр зогсолт нь шийдвэр гаргах бүх үйл явцыг бараг зогсоосон байдалтай байна.
Холбоотой: October is ‘ETF month’ as 16 crypto funds await final decision
21Shares компани Hyperliquid-ийн төрөлх токен HYPE-аас хоёр дахин (2x) хөшүүрэг бүхий крипто ETF-ийн хүсэлтийг Пүрэв гарагт SEC-д ирүүлжээ. Энэхүү хөшүүрэг нь токены нэг өдрийн гүйцэтгэлд л хамаарах бөгөөд урт хугацаанд хэрэгжихгүй юм.
Bloomberg-ийн ETF шинжээч Эрик Балчунас энэ өргөдлийг “маш нарийн чиглэлтэй бүтээгдэхүүн, гэхдээ 3–4 жилийн дараа хэдэн тэрбумын үнэлгээтэй болохыг үгүйсгэхгүй” гэж тодорхойлжээ.
Тэрээр мөн хэлэхдээ “Одоогийн нөхцөл бол крипто ETF-ийн жинхэнэ “газрын булаалдаан” болж байна,” гэж онцолсон байна.
ARK Invest-ийн шинэ Биткоин ETF-үүд
Кэти Вүүдийн удирддаг ARK Invest компани Мягмар гарагт гурван шинэ Биткоин ETF-ийн өргөдөл гаргажээ.
ARK Bitcoin Yield ETF нь опцион зарах, шимтгэл цуглуулах зэрэг өгөөжид суурилсан стратегиар орлого бий болгох зорилготой юм.
ARK DIET Bitcoin 1 ETF нь Биткоины үнийн улирал тутмын 5%-ийн өсөлтийн дараах өсөлтөд оролцох боломж олгохын зэрэгцээ 50%-ийн уналтаас хамгаалах бүтэцтэй. ARK DIET Bitcoin 2 ETF нь 10%-ийн уналтын хамгаалалтыг олгох бөгөөд Биткоин тухайн улирлын эхний үнээс дээш арилжаалах үед нэмэлт өгөөжийн боломж олгодог байх ажээ.
Бусад крипто ETF мэдээ
Энэ долоо хоногийн эхэнд Volatility Shares компани 3x болон 5x хөшүүрэгтэй, крипто болон АНУ-ын гол хувьцаануудтай холбогдсон ETF-ийн цувралыг бүртгүүлэх хүсэлт гаргасан талаар Балчунас мэдээллээ.
Лхагва гарагт VanEck компани Solana Staking ETF-ийн шинэчлэгдсэн өргөдлийг 0.3%-ийн шимтгэлтэйгээр SEC-д хүргүүлсэн гэж Bloomberg-ийн ETF шинжээч Жеймс Сейффарт мэдээлсэн байна.
Nova Dius-ийн ерөнхийлөгч Нэйт Гераси хэлэхдээ: “Засгийн газрын зогсолт дуусмагц спот крипто ETF-ийн хаалга нээгдэнэ. Энэ бүхнийг саатуулж байгаа өсч буй төсвийн алдагдал ба улс төрийн жүжиглэлт нь үнэндээ крипто зах зээлийн шүүмжлэлтэй ханддаг гол асуудал шүү дээ,” гэж онцолсон байна.
Сэтгүүл: Binance shakes up Korea, Morgan Stanley’s security tokens in Japan: Asia Express